| "Koue vuur " deur KOOS DU PLESSIS [boodskap #61691] |
Wed, 08 May 2002 03:21 |
|
|
Oorspronklik gepos deur: @rogers.com
Koue vuur
Koos du Plessis
Die kole gloei soos vroeër aande
maar die vuur is in my kop;
en 'n ysige wind skroei my hande
vas om die beker met dop.
Die ryp is 'n vlam om my voete,
maar die koue brand in my bors;
en ek drink en ek dink aan die soeter
wyn teen die groter dors.
Net 'n koue hart, tot die moreuur,
drink ek teen die vuur in my kop -
en ek voel dié koue, ek voel dié vuur
vreet my stuk-stuk op.
Daar's te veel met die wêreld gefoeter;
daar's te veel met die mense gemors...
en ek drink en ek dink aan die soeter
wyn teen die groter dors.
Net 'n koue hart, tot die moreuur,
drink ek teen die vuur in my kop -
en ek voel dié koue, ek voel dié vuur
vreet my stuk-stuk op.
En die helde, ná al die geploeter,
lê diep in die aarde se kors...
en ek drink en ek dink aan die soeter
wyn teen die groter dors.
Met 'n koue hart, tot die môreuur,
drink ek teen die vuur in my kop -
en ek voel dié koue, ek voel dié vuur
vreet my stuk-stuk op.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
